السلام عليكم ورحمة الله وبركاته
ابيات راقت لي
الفعايل كايده يوم السوالف سهله
والنفوس الوافيه ما تغبط الخوانه
والسنافي فالزمن ذا ماحدن يشبه له
وين تلقى واحدن وجهه يحشم لسانه
يا صبر كبد الزمن صبراه من فعل اهله
دام ما للطيب في بعض المواقف خانه
يارفيقي صاحبي لاخطا وانا انـوه لـه
ليه !! حط اني اهينه وارتكز شيطانه
لا تعنيني .. على درب" ما انا اوجه له
غير لا قد كفتك ترجح على ميزانه !!
يا رفيقي صاحبي لا بان منه جهله
احشم ارجيلي عن دروبه وعن بيبانه
ليه اعاتب واحد" .. نفسه مهي تشره له
عنده ان نفسه تصيب ونفسه الغلطانه
صاحبي .. بعطيك بيت" للزمن طره له
والله انه من صميم الخافق وشريانه
صاحب" ماهو يقدر صحبتك سفه له
مابه اقدا فالخوي الباير سوى حقرانه
الثلاثاء أغسطس 06, 2024 11:58 am
