اجعلى عيونك تنطق بالجمال

العيون هى مرآة لصحتك ولحالتك النفسية , ودائما نشتكى من تغيير لون بياض العيون ونلاحظ انها تميل للون الأصفر أو الأحمر وده ممكن يكون مرتبط بالصحة العامة بالجسم وأوقات كتير بيرجع للارهاق وعدم انتظامنا فى النوم وعادات كتير بنقوم بيها بتضر بصحتنا وأول علامات ظهورها بيكون على العينين .
علشان كدة أنــاقتى بتقدم لك بعض النصائح والوصفات الطبيعية المفيدة جدا لجمال عيونك لتظهر بشكل جميل وبريق لامع وعيون صافية خالية من الارهاق والتعب .

النوم :
اهم شئ انك تاخدى قسط من الراحة وده من خلال ساعات النوم اللى بتحصلى عليها , فيجب عليكى أن تنامى من 6-8 ساعات يوميا فى الليل علشان ترتاح عينيكى وخصوصا لو كنتى بتجلسى كتير أمام الكمبيوتر لأنه من أهم أسباب اجهاد العين.
القهوة :
العدو الحقيقى لجمالك حاولى على قدر الامكان أن تخففى من تناول القهوه والنسكافيه والكافيين لإنه بيساعد على شحوب لون العين وعلشان تقدرى على كده ممكن تقللى تناولك لهم بالتدريج لإن الجسم بيتعود على الكافيين وممكن نتغلب على المشكلة دى بسحبه تدريجيا لمدة أسبوع .
الجزر :
زمان أهلنا واجدادنا كانوا بيقولوا “الجزر بيقوى النظر” وهى فعلا مقولة صحيحة 100 % لإن الجزر يحتوى على البيتاكاروتين اللى بتحمى النظر من الضعف والإجهاد , علشان كده كونى حريصة على تناول الجزر يوميا واستخدميه كمان فى وجباتك .
الخضار السوتيه والفواكه الطازجة :
الخضار المسلوق خاصة على البخار او المشوى مهم جدا جدا لنضارة العين والبشرة وبيكسبها جمال خاص واغلب الممثلات وملكات الجمال بيعتمدوا فى اكلاتهم على الخضار السوتيه والفاكهة .
شرب المياه :
إن شرب المياه من أهم أساسيات الجمال ولنضارة بشرتك وبريق عيونك ولكل جسمك علشان كدة اشربى على الأقل 2 لتر مياه يوميا .
الحالة النفسية :
ابتعدى عن كل المؤثرات التى تزعجك وتجعلك فى حالة نفسية سيئة فأكثر شئ يضر بجمال عيونك حالتك النفسية واذا نجحتى فى اخفائها على من حولك لا يمكنك اخفائها من عيونك لذلك حاولى ان تبعدى نفسك عن كل الأزمات والمشاكل واوجدى لها حلول سريعة أو اذا كان ده من الصعب عليكى خدى فترة راحة واذهبى لأى مكان بعيد عن كل المشاكل والمؤثرات النفسية السيئة ز
 
اذا اتبعتى النصائح دى هتلاحظى الفرق وهتحصلى على نظرة عيون جميلة متألقة لها بريق ولمعان مافى مثله , فكونى ذكية دائما واهتمى بصحتك هتلاقى أول شئ يظهر عليهم وجهك وعيونك , اجعلى المكونات الطبيعية تدخل فى كل حياتك اليومية وهتشعرى أكيد بالفرق .

يسلمو على الموضوع