بيني وبينك

بيني وبينك

بيني وبينك كروم حب ووفا
ونحلات جارت ع الورد لاكتوى
وسهول قمح وبيادر مليانة
وأرزات صوب الرّب عليانة
وكل ما هب الهوا وتمرجحت أغصانها
ترجّيت رب الكون يبعتلك عطورهاسلام.

بيني وبينك قمر سهران
يرعى قلوبنا العشقانة
ولمّا السّما تطفي نجومها
والقمر على بيتو يلفي
بسرق ندى إيديك
وبسقي عطشي حتّى يرتوي

بيني وبينك شمس مرتبكة
وحساسين عالشّجر غفيانة
وجبال ناطرة الفجر يلوح
وحقول من السّهر تعبانة
كرمالك الدّني بتضلّ بالنّومغرقانة
حتّى نورك يهلّ ويفجّر الكونأماني